Harari Canadian Community In Edmonton                 

BAHA Qanoon

Baha Harari umat dabe ttabeeq atay zinarew ma Kil eqadum umatzow zi madiya Girgara yashazal natuw kam kabeerach asabato. Igna Edmonton be zalna harari haraqach Yi tahseebuw masbah le wa Yitkhetal zal Geel le Metweras lae         yemeechana kut Baha bernamij Aegalna           

 

Ttlasach zo yitkhetal zal Yukhunal

Bernamij zo ahad amatle yidalgal

 

Bernamij zow megal le ko’ot wahri ziqarew sa’a abalu nat mihbar metsa’ad yikhash zal; usu’ qittem yimal ma mihra a shawree le yiboordi kut yashaal

 

Ahad gir bernamij zo is egala beher hajees haraq yitqebalumel. Hajees haraqach yitketalzal bernamij hajees be yigli qessi meqab yinabribeyohol.

 

Baha atachot sheishtee sijabe yitsea’adal.

 

1. $125.00

2. $250.00

3, $500.00

 

Baha yucha zal wahri be ahad gir yukhunima, Megal wahri 4 usu’ach ma $125.00 zikafalach le yuchal. Ko’otagn wahri 2 usu’ach ma $250.00 zikafalach le yuchal. Sheishtagn wahri ahad us’o ma $500.00 zikafala le yuchal. Azo beher la’ay be zitqeqala kut yitgiragab ma yuchal.

 

Ges zita usu’ yitkhetalzal ttalas kut be atachot zow makfal yifarkal

 1.Post dated cheque be

2. Wahri lkilbaqala cheque be

3. Wahri kil baqla Money order be

4. Cash be hamistagn ayam 24:00 HR be yukunaal. (cash be yitkafal zal khana gir receet zow mansa’ zikafala ges zatt masu’oliya yukhunal)

 

Mahalaq mihra ashawree haraqach le yuburdi kut Gessi jamei wahri isbaqala beher hamistee ayamach yinabrahal. (moqofay Hamistee ayam huloof baya gir $10:00 ayam yitqetta’al, asirtagn ayam be Afochazo cheque be Ziwettalew haraqle yeqabdal.

 

Ahad kut mahalaq atachot zow ahdi zibo’ew kut altikafala gir Afochazo khaznabe ziwattaleyu usua’chle yitkefalal.

 

Afochazo zaltikafala mahalquw Alberta justice ( Court house) grabdale yirgabgila kut yashaal. Yiw moshale yacha zal mahalaq jamei ahdi zakhalafa ges dayni yuk hunaal. Yi beherum Collection Agency bah metkahal be alay credit ach yisamtubo ttalasbe mahalaqzow Yirakhbal.

 

Ahad ges ahad kut dilaga qibachbe, zittabaqa chinqee wafaqew gir atehri mihbar afocha mihra ashawree le koot saati ziqerew sa’a mamla’abe ahad amat ustt u’abe ahadgir ahad wahri mateharle izini mathebar yiferkaal. Izni zo sabat gir Uitkhetalzal wahri be ko’ot wahri zattuw makfal dirqi yinabribahal.